Fai dez anos naceron as Leis Mordaza, como resposta represiva a un gran ciclo de mobilizacións sociais. A súa vixencia na actualidade evidencia o retroceso en dereitos e liberdades que se ten vivido e que se concreta na vulneración continua dos dereitos políticos e civís que orbitan arredor do dereito á protesta. No Somos Delito é unha campaña que reivindica a defensa, exercicio e consolidación dos dereitos político-civís relacionados co dereito á protesta incidindo nas reformas lexislativas.