Democracia e soberanía

A democracia que caracterizan aos Estados Modernos preséntase como expresión máxima da idea de xustiza e da participación cidadá da vida pública. Porén, este modelo democrático convive con a agudización das desigualdades sociais producidas polo sistema capitalista, o agravamento da crise ecolóxica, a usurpación de dereitos fundamentais por parte de poderes privados, o escaso control cidadán sobre políticas públicas, a ausencia de mecanismos de control democráticos da política…

A democracia liberal burguesa caracterízase pola eliminación da participación directa na toma de decisións, onde a responsabilidade das persoas queda relegada a unha función electiva da representación. Estos líderes políticos constitúen unha elite, ligada aos intereses da clase empresarial. Ademais, trátase dun sistema político baseado nas liberdades individuais e a propiedade privada ilimitada, así como na falacia de que o crecemento económico liberal propicia o benestar da sociedade. A este contexto se lle suma a crecente criminalización da protesta que se está impoñendo en diversos Estados, cunha intención clara de asociar a protesta con elementos que perturban a orde normal. A consecuencia disto é un modelo de control social baseado no medo, sacrificando dereitos e liberdades a cambio da sensación de seguridade.

Faise, polo tanto, imprescindible a ruptura inapelable coa representación tradicional, radicalizando a propia democracia ao tempo que recupera a súa dimensión emancipadora, crítica e participativa. É indispensable a creación dunha democracia baseada na participación popular que permitar exercer a soberanía por enriba da propiedade, os monopolios e a ganancia ilimitada. Será esencial a procura de novos marcos nos que os dereitos humanos sexan o único criterio lexítimo para articular as políticas democráticas e configurar o poder político e gobernante do Estado. Fronte á democracia liberal burguesa que procura a reprodución do sistema capitalista, apelamos a unha democracia baseada na soberania popular.